Shillong, Nohprah 27: U Apandanka Marak ula pyni biang ia ka sap kawang bol ka jong u ha kaba ula shim 6 Wiket haka jingiakhun pyrshah ia ka Nagaland ha ka sngi nyngkong jong ka semifinal U-16 Boys’ Vijay Merchant Trophy kaba la long ha Jamshedpur hynne ka sngi Balang.
Ka Meghalaya kala tied nyngkong bad kala kamai 123 run bad haba ka Nagaland kala leit ban tied kala kamai tang 83 run bad ka Meghalaya kala bteng biang ban leit tied ha ka sien ka baar bad kala kamai 22 bad ym shim la don uno uno u nongtied u ban Out bad mynta kala tam da 62 run.
U Apandanka, uba la wan balai kum u nongkawang bol uba la shim bun wiket hashwa ban sdang katei ka jingiakhun bad mynta ula shim 40 Wiket bad hynne ka sngi ula shim 6 wiket bad ai 40 run ha ka 12 over.
U Aashish Kumar Lohar bad u Benedict Jones Makdoh kila shim mar 2 wiket.
Ka Meghalaya ha ka por ba kala leit tied nyngkong kala kamai tang 123 run bad u Lohar ula kami 34, u Gaurav Narleng ula kamai 25 run bad u Rudra Singh Rathore ula kamai 21 run.
Ha ka jingleit tied ha ka sien ka baar, ka Meghalaya lyngba u Kristwal S Marak ula kamai 10 ym pat out bad Dipayan Nandi ula kamai 5 run bad ym pat out. U Rathore uba la kamai 3 khlem Out ula shongthait noh namar ka jingmynsaw.
Kane kadei ka sien ka baar ba kine ki ar kynhun kila iakynduh mynta ka kynti bad haka jingiakhun kaba nyngkong kila ia khaid hynrei ha kane ka jingiakhun kaba mynta kan don bei tka kynhun kaban mad iaka jingjop bad ia ka jingrem.
