Shillong, Nohprah 27: Ka BJP Meghalaya Kisan Morcha dang shen kala rakhe iaka sngi kyrpang ki nongrep lane ka National Farmers’ Day 2023 hapoh ka shnong Liarkhla kaba hap hapoh ka Umroi Constituency, Ri-Bhoi district.
Ha kane ka sngi, la don ruh ka jingai jinghikai halor ka rukom rep tit lane ‘Orientations on National Mushroom’s Day’, ‘Integrated Pest Management’ bad ‘Promotions jong ka IPM halor u khaw bad ki jhur kiba ki trai Ri trai muluk ka Jylla Meghalaya ki ju rep.
Ki nongrep kila ioh ruh ka jinghikai halor ki skhim bapher bapher kiba ka Sorkar Pdeng haka jingialam ka BJP kala wanrah naka bynta ka bha ka miat ki nongrep khamtam kiba hapoh ka Jylla Meghalaya.
Ha kane ka sngi la sam ruh daki dawai bad ki symbai jhur ki ban iada iaki mar rep naki jait khniang.
Ia kane ka program la pynlong haka jingialam da u state BJP Kisan Morcha President Ralden Bryan Shabong, u state BJP Kisan Morcha Vice President Duruth Majaw haka jingdon lang Ri-Bhoi District President ka BJP Kisan Morcha u Sen Thabah, Ri-Bhoi District Secretary ka BJP Kisan Morcha Freddie Kurbah bad Ri-Bhoi Mandal President ka BJP Kisan Morcha Remius Kharsati, Meghalaya BJP Vice President u Khrawboklang Basaiawmoit bad BJP National Council Member u David Kharsati.
Ha kane ka sngi la don lang u State BJP General Secretary u Evarist Myrsing bad kiba la wan ban shim bynta lang ki kynthup ia u Dean ka CAU, ki Agriculture Scientists bad ki nongrep ka thain eastern Ri-Bhoi region.
