Shillong, Naiwieng 26: Watla katto katne ngut ki nongialehkai Cricket ka Meghalaya kila lehkai bha, hynrei ka Chhattisgarh kala pynrem da 77 run iaka Meghalaya ha ka Vijay Hazare Trophy One Day kaba la long ha Jaipur, ha ka sngi Saitjaiñ.
U Lerry Sangma ula shim 3 wiket bad haba ula kamai 51 run na ka bynta ka Meghalaya, katba u Jaskirat Singh Sachdeva, ula kamai 42 run watla ula ioh ban mih ialehkai ha ka sien ka baar ia ka jylla bad u Kishan Lyngdoh ula kamai 37 run.
Ka Meghalaya kala leit ban kawang bol bad ka Chhattisgarh kala kamai 290 run bad hap 7 wiket ha ka 50 Over.
U Lerry ula bol tang 4 over hynrei ula shim 3 wiket bad ai 28 run, katba u Akash Kumar Choudhury ula ioh 2 wiket, u Dippu Ch Sangma bad u Rajesh Bishnoi kila ioh mar 1 wiket.
Ka Meghalaya kala kamai 213 run bad hap lut ki wiket.
Ka Meghalaya kan iakhun biang pyrshah ia ka Jharkhand lashai ka Sngi Nyngong.
