Tura, Jylliew 20 : Ka Kynhun synrop ki Sengbhalang ka Tikrikilla ba kynthup ia ka NGCO, NPPE, CEPARD, FAF bad ACHIK kila buh da ka jingujor ban rat dynkhong ia ki karkhana dieng ba pynieng be-ain hapoh ka thain.
Ia kane ka jingujor la mudui kat kum ka kyndon jong ka Indian Forest Act, 1972 (IFA), Chapter Sec 41.
Kat kum ka jingong kine ki Nongialam Sengbhalang, ki briew kila pynieng be-ain ia kine ki karkhana ki dei kiba la tip kyrteng da u Satter ha Balbalgre, Sumir uba dei u Hynmen u Sattar ha Tillapara, ROhit Rabha ha Hatogaon, Gias ha Mothapara, Mohibur ha Jugirjhar, Sukar Ali ha Rongsai bad alu ha Rongsai.
Kine ki briew kila pynieng beain ia ki karkhana kaba la wanrah ia ka jingjot jong ki khlaw bad ka mariang. Namar kata, kine ki Sengbhalang kila buh da ka jingujor kat kum ka Indian Forest Act, 1972 (IFA) Chapter Sec 41.
Kane kala jia ruh tang shisngi hadien ka jingkhynra jong ka Tnad Forest bad ka CEPARD, NGCO, APPE, ACHIK bad FAF, kiba la iatreilang halor kane ka kam.
Ha ka sngi nyngkong, kine ki Sengbhalang bad ki Heh ka Tnad Forest na Hollaidanga, West Garo Hills, kila leit ban khang tala ia bun tylli ki karkhana dieng kiba don ha ki jaka them ka District.
Shuwa kane, ki Sengbhalang kila kdew ruh ba ki don palar ia 10 tylli ki karkhana dieng kiba treikam beain ha ka thain Hollaidanga, kaba hap hapoh ka Tikrikilla Police Station.
Pule lang ia kane: Kem ka ANTF ia 2 ngut ki Nongkhaii droks na WGHD
, Chapter Sec 41.){kind=link}