Shillong, Jylliew 20 : U Chief Executive Member (CEM) ba thymmai ka KHADC Bah Pyniaid Sing Syiem, hynne ka sngi Ba-ar, ula phah ia ka thup kyrteng jong ki Executive Member ka Executive Committee ka KHDF ba ialam da ka NPP sha u Lat ka Jylla Phagu Chauhan ban ioh ia ka jingmynjur.
Haba iakren bad ki lad pathai khubor, u Bah Pyniaid ula pynbna ba ia ka shuki Deputy Chief Executive Member (DyCEM) bad kawei ka shu Executive Member, kan leit sha ka seng Congress.
Ka kyrteng jong u CEM barim ka KHADC bad MDC ka Mawkhar-Pynthorumkhrah Bah Pynshngain N Syiem, la tyrwa ban long u DyCEM ba thymmai ka Council.
U CEM ula pyntip ruh ba kito ki bym don ha ka EC kin sa ioh ia ka bhah kum ki Chairman jong ki Advisory Committee bapher bapher ka Council, ia kiban sa thaw ba kin ai jingmut sha ka EC halor ki kam bapher bapher.
Ha kajuh ka por, u MDC ka Congress na Mawhati, ula khreh ban shah jied khlem ka jingialeh pyrshah sha ka shuki Dy Chairman jong ka Council hadien ba u MDC ka NPP na Mawsynram Bah Alvin K Sawkmie, ula iehnoh ia ka kam ha ka sngi nyngkong.
Ka elekshon sha ka shuki Dy Chairman kan long lashai ka sngi Balang. U bah Charlesh u dei u kyrtongba marwei uba la thep kyrteng ban iakhun ia ka elekshon.
Pule lang ia kane: Kem ka ANTF ia arngut ki Nongkhaii droks na EJHD
 bad kawei ka shu Executive Member, kan leit sha ka seng Congress.){kind=link}