Shillong, Iaiong 13: U Symbud Myntri Rangbah ka Jylla Bah Sniawbhalang Dhar ha ka sngi Nyngkong, ula aiti iaka song pisa ba T.8 lak sha ka Seng Raij Shnong Pasyih (SRSP) kum shi bynta ban kyrshan ïa ka shad tynrai ka ‘Shad Chukra 2026’ ha Pasyih, West Jaintia Hills.
Haba kren ha kane ka sngi, u Bah Sniawbha u la ai ka jingiaroh ia ka SRSP kaba la pynlong ia ka Shad Chukra ban pynneh pynsah ia ka riti dustur jong ka thaiñ.
“Kum kine ki jingïalang shad tynrai ki long kiba donkam ban pynkhlaiñ ïa ka jingïatylli bad ai lad ïa ki samla ban pyni iala ka sap” u la ong.
Ha kane ka sngi la don lang ki riew pawkhmat, kynthup u President ka SRSP u Thom Kyndait uba la pynpaw ia ka jingdonkam ban pynneh pynsah ia ki riti dustur.
Iaka jingïalang, la sdang da ka jinglehniam tynrai ba la ïalam da ka Kong Philis Dkhar.
U Bah Sniawbha u la ai khublei ruh ïa ki jingnoh synniang jong u Ham Siangshai bad u Jointly Ksoo kiba la shah pynkup burom halor ka jingshakri jong ki ïa ka imlang sahlang.
Ka jingai pisa naka liang u Symbud Myntri Rangbah ka long ban kyrshan shuh shuh ia ki kam jong ka SRSP bad ban kyntiew ia ki sienjam ban pynneh pynsah ia ka kolshor jong ka thain.
Ia ka jingïalang la pynkut da ka jingpyni nam ia ka kolshor, ka jinglong tynrai ba riewspah jong ka thaiñ.
 kum shi bynta ban kyrshan ïa ka shad tynrai ka ‘Shad Chukra 2026’ ha Pasyih, West Jaintia Hills.){kind=link}