Nongstoiñ, Naiwieng 22: Ka seng Meghalaya Youth Federation (MYF) Mawshynrut circle hynne ka sngi ba-ar, ka la leit ban ïakynduh ïa ka DMHO West Khasi Hills, ha kaba ïa dei bad ka jingud jingnam ki paitbah ka thaiñ halor ka jingbym don Doctor hapoh Shallang PHC la kumba shi bnai tam.
U President samla Pynshai K Bani President ula iathuh ba ka jubab ba ka seng ka ïoh na ka DMHO ka long ba kan sa pynsngew sha ki bor ba halor ba dei peit halor kane ka mat. Na ka liang ka seng ka dawa ban phah Doctor noh kham kloi, khnang ba ki paitbah ka thaiñ kin lait na kino kino ki jingeh.
La ong ba ka jingbym don doktor hapoh PHC Shallang kala wanrah ia shibun ki jingeh ia ki paidbah kiba donkam iaki kot ki sla ban phah soi kum ki birth certificate, kiba leit phah check up bad kiwei kiwei ki kam kiba donkam.
