spot_img

Ujor ka Manipuri Students Union sha ka DC ba shah pyndonkam bakla ka kyrteng ka seng

Date:

Share post:

Shillong Risaw 23: Ka Shillong Manipuri Students Union (SMSU) hynne ka Sngi Nyngkong, kala ujor sha ka Deputy Commissioner jong ka East Khasi Hills Kong RM Kurbah ban pyrshah ia ki kynhun kiba la pyndonkam bakla ia ka kyrteng bad iaka shap jong ka seng ban pynlong ia ka Ïew die bam ne ka Singju Stall ha Laitumkhrah Police Point ha ka 24 tarik u Risaw.

Katkum ka dorkhas kaba la phah da u President ka SMSU u Chongtam Thangamba Meetei sha ka Deputy Commissioner, ula ujor ba ki katto katne ki kynhun kila pyndonkam bakla iaka kyrteng, shap bad ka bannar jong ka SMSU ban pynlong iaka Singju Stall ha Laitumkhrah kaban sdang naduh ka por 10 baje mynstep haduh 4 baje nohphai sngi.

“Ka SMSU kam don jingpyrshah eiei ban pynlong ia katei ka ïew die bam hynrei kaba ka seng ka pyrshah jur eh ia ka jingpyndonkam ia ka kyrteng bad iaka shap jong ka seng khlem da pan jingbit bad kane ka long kaei kaei kaba be-aiñ bha” ong u President ka SMSU.

Ka SMSU kala kyntu ia ka DC ba kadei ban tuklar mardor ba ki nongpyniaid kim dei ban pyndonkam bakla iaka kyrteng bad ia ka shap bad ia ka banner jong ka seng.

U Chongtam ula pynpaw ba katei ka jingpyndonkam bakla ym tang ba kan pynthohbria iaka SMSU hynrei ka lah ruh ban pynmih ia ka jingma ban mih ia kano kano ka jingjia kaba sngewsih.

Ka SMSU kala kyntu ia ka DC ban shimkhia mardor halor kane ka jingujor bad ki khmih lynti ban pynbeit noh mardor ia katei ka mat.

Share post:

spot_img
spot_img

Popular

More like this
Related

Manipur | Kyrpad ki 21 MLA ia u PM Modi ban wanrah ia ka Sorkar ba jied da u paidbah ha Manipur

Guwahati, April 30: Ha ka jingkylla jong ka kam...

Mynjur ka Sorkar Pdeng ia Highway Project ba T.22 hajar klur na Shillong sha Silchar

Shillong, Iaiong 30 : Ka Cabinet Committee on Economic...

Ioh jingithuh ka Shillong kum ka “jaka ba thnem” ban pynlong ia ki Live Concert

Shillong, Iaiong 30 : Ka Shillong kaba la ioh...

Released on bail, Assam man kills woman who accused him of raping minor

Guwahati, Apr 30: In a chilling case of revenge,...