spot_img

Ujor ejahar u MP pyrshah ia u CM ka Assam ba kynthoh ipoh ia ki paid Muslim

Date:

Share post:

Guwahati, Naitung 18: U Ajit Bhuyan, MP ba shimet sha Rajya Sabha, ula ujor da ka ejahar sha ki Pulit pyrshah ia u Myntri Rangbah ka Assam Himanta Biswa Sarma ha ka sngi Nyngkong halor ka jingkynthoh ba ipoh ia ki paid riewngeit Muslim.

U Bhuyan ula kynnoh ba une u Nongialam ka BJP ula ‘Kynthoh isih’ pyrshah ia ki riewngeit Muslim.

Ula thoh ruh sha u Chief Justice ka India DY Chandrachud ba kyrpad ban tian bishar pyrshah ia u Myntri Rangbah ka Assam nalor kane ka jingkynthoh ia ki Muslim (ki Bangali ba kren Muslim ha Assam).

Shuwa kane, haba iakren bad ki nongthoh khubor, u Himanta Biswa Sarma ula ong “Ki jhur ki khep kim dei kiba rem dor ha ki shnong. Hangne ki paid Muslim kila ohdor bun na ngi. Jin ba dei ki nong Assam ba die jhur, kin jin da la lehbein iala ki jong ki briew”.

“Ngan pynkhuid ia baroh ki lynti iaid kjat ha Guwahati bad kyntu ia ki paid Assam ba kin mih shakhmat ban sdang iala ki jong ki kam” ula ong.

Katba u President ka AIUDF Badruddin Ajmal ula ong ba da ka jingkren jong u Himanta Biswa, ki paid Muslim kila sngew mong bha.

U Ajit Bhuyan ula pyntip ba ia kane ka ejahar la ujor ha Dispur Police Station.

Also read: Khlad noh u Paiem ka Raid Nongtung, angnud ka Raid ban urlong noh ki jingiakhun une u riew khraw

Share post:

spot_img
spot_img

Popular

More like this
Related

Durand Cup | Rung ka NorthEast United FC sha ka quarterfinal da ka jingjop ia ka Shillong Lajong

Shillong, Nailar 08: U rangïalehkai ka Ri Morocco u...

Dang iaid ka jingbishar ia ka kaiphod ka Expert Committee halor ka Job Reservation

Shillong, Nailar 08: U Chief Secretary ka Jylla Bah...

Kumno uwei u nonghikai u pynkylla ia ka skul sorkar ha Mawsynram sha ka kamra skul kaba im

By Kenny Jyrwa Shillong, Nailar : Hato phi dang kynmaw...

Major Bureaucratic Reshuffle : 4 IFS officers brought to civil administration

Shillong, Aug 8: The state government on Friday issued...