Shillong, Naiwieng 18 : Ka North Eastern Hill University (NEHU) kala ujor ia ka ejahar bad pan ia ka kaiphod kaba bniah halor ka jingjia niah kali khlem akor, kaba lam sha ka jingmynsaw jur ki arngut ki samla pule ka tnad Chemistry hapoh ka campus.
“Ka University ka pynrem jur ia ka jingniah kali khlem akor kaba lam sha ka jingjia kaba sngewsih. Ia ka ejahar la dep ban ujor bad la bthah ia ki katto katne ki briew ka skulbah ba kin pynkhreh bad aiti ia ka kaiphod kaba bniah kham kloi kat kaba lah” ong ka kyrwoh ba pynlait ha ka sngi Ba-ar.
Arngut ki samla pule kynthei ki dang don mynta hapdeng ka jingsumar hapoh ka Intensive Care Unit (ICU) jong ka Nazareth Hospital.
Ka Univeristy kala ai ka jingkyrshan bad jingsngewlem sha ki samla pule ba mynta lem bad sha ki bahaiing hasem.
Ka University kala kyntu ruh ia ki lad pathai khubor bad ki paidbah ba kin weng noh ia kano kano ka dur khmih (video) lane ka dur jong kane ka jingjia kaba la saphriang ha ki social media, haba pynpaw ia katno ka ktah ia ka jingmut jingpyrkhat bad ki jingsngew jong ki bahaiing ki lanot bad ki samla pule.
Ka University kala kular ruh ia ka jingiatreilang bad ki bor ka ain lem bad ki bor ka hospital.
 kala ujor ia ka ejahar bad pan ia ka kaiphod kaba bniah halor ka jingjia niah kali khlem akor, kaba lam sha ka jingmynsaw jur ki arngut ki samla pule ka tnad Chemistry hapoh ka campus.){kind=link}