Shillong, Naiwieng 18 : Ka Sorkar Jylla kala mang palat T. 87 klur haba pyntrei ia ka surok ba 28 Km na Ampati sha Purakhasia kaba hap hapoh ka Gambegre Constituency.
Ia kane la pynbna da u Myntri Rangbah ka Jylla Conrad K Sangma ha ka sngi Ba-ar haba kren ha ka jingialang.
U Conrad ula ong “Ngi la mang ia ka pisa ba T.7.46 klur hapoh ka State Scheme na ka bynta ka surok na 0-4 km bad 50% ka kam kala dep. Ia ka bynta ba 5-20 km la mang T.13.78 klur hapoh ka PMGSY bad 15% ka kam kala dep. Ia ka bynta ba khatduh kata na ka 21-28 Km pat la bei tyngka da ka World Bank kaba kot haduh T.66 klur.
“Nga la peit pyrman hi dalade bad shong bishar ia ka jingpyntreikam ia kane ka surok” ula bynrap haba kular ia ki paidbah ia ka jingshimkhia jong u ia kane ka project.
