Shillong, Naiwieng 02 : Kawei ka Longkmie kala ujor da ka ejahar pyrshah ia la u jong u kurim namar ka jingdung ia ka da ka tari hadien ka jingiania kaba khluit bha hala iing.
Kane ka ejahar ka balong pyrshah ia u Suresh P Sangma, la mudui hapoh u Officer Incharge ka Laban Police Station ha ka 31 tarik Risaw.
La kynnoh ba kane ka Longkmie ka Poonam Singh, kala shah dung da ka tari tang namar ba ka phah thied marbam iala u kurim ban ioh shet ha Iing.
“….hynne ka step nga la kyntu ia u Kurim ban thied marbam iala ka Khun. Ula kyntait da kaba ong ba um don pisa ia mynta bad nga la ong “Me don pisa ban pynlut ha ka …..Bala bad pynairong ia ka Iing hynrei mem don pisa ia ngi” kala ong ha ka ejahar.
“Ka jingiania kala mih hangne bad ula shim da ka tari bad dung ia ka nalor ka jingkyntait. Nga la lynniar bad ka Khun kala wan mih bad iohi ia nga ba nga la phlei snam. Kumta hi nga la pyntip sha ki pulit bad la wan ialam noh ia ka sha Civil Hospital” kala bynrap.
