spot_img

U PM Modi u dei ban leit jngoh ia ka jingshlei um ha Assam ha ka jaka ban pynkhyllem sorkar Maharashtra :MP Congress

Date:

Share post:

Guwahati, Jylliew 23 :U MP ka Seng Congress ha Assam, u Gaurav Gogoi hynne ka sngi u la kynthoh tyngeh ia ka BJP da ka ba ong ba u Myntri Rangbahduh (PM) Narendra Modi u dei ban leit jngoh ia ka Assam ka ba la shah ktah ha ka jingshlei um ha ka jaka ban pynleit jingmut ha ka ba pynkhyllem sorkar ha Maharashtra.

“Ka BJP ka la matlah namar ka bor. Ka jylla Assam ka la ngat ha ka jingshlei um ka ba shyrkhei, u PM u dei ban leit jurip ia kane ka jylla bad pynbna ia ka song jingiarap, pynban u la bunkam ha ka ban pynkhyllem ia ka sorkar ha Maharashtra lane ha ki ilekshon hapoh Gujarat. Tang ka bor ka ba kongsan na ka bynta ka BJP,” ong une u MP ka Seng Congress.

Ka jinglong jingman na ka jingshlei um ha Karimganj district ka Assam ka la nang hiar arsut hadien ba ki um na ka wah Kushiyara, Longai, bad Singla ki la pynshlei shuh shuh ia ki ba bun ki jaka hapoh ka district bad ktah ia palat 1.34 lak ngut ki briew. Ka jingshlei um ka la pynngam ruh ia ki ba bun ki lynti surok hapoh ka district.

Haduh kumba 12.30 lak ngut ki briew ki la shah ktah jur ha ki bynta ba sha them jong ka Assam ha Barpeta district, 4.69 lak ha Darrang, 4.40 lak ha Nagaon, 3.38 lak ha Bajali, 2.91 lak ha Dhubri, 2.82 lak ha Kamrup, 2.80 lak ha Goalpara, 2.07 lak ha Cachar, 1.84 lak ha Nalbari, 1.51 lak ha South Salmara, 1.46 lak ha Bongaigaon bad 1.34 lak ngut ki nongshong shnong ha Karimganj district.

Share post:

spot_img
spot_img

Popular

More like this
Related

Kular ka DGP ban leh eiei halor ki nongpynkulmar shnong bad ki jingeh ki PWD

Shillong, Jymmang 30: Ka Director General of Police (DGP)...

Kurup ka Tnad Custom ia ka bniat hati ba khia 27 kilo

Shillong, Jymmang 30 : Ha ka jingkhynra pyrshah ia...

Kyndit ka KSU ba phah pyniasoh ka Sorkar ia ki College sha ka Williamson Sangma University

Shillong Jymmang 30: Ka Khasi Students Union kala pynpaw...

Plie ka DGP ia ka jingkhang ban sngap ia ki jingeh bad jingai jingmut ki paidbah

Shillong, Jymmang 30: Kum shi bynta ban tei iaka...
spot_img