Bthah ka Sorkar ia ki District Council ban khang noh ia ki khyrdop khajna na surok

Date:

Share post:

Shillong, Jylliew 23: Ka Sorkar Jylla hynne ka sngi palei kala bthah ia ki artylli ki Autonomous District Council (ADC) ba kin khang noh ia baroh ki khyrdop lum khajna ba ki pynieng ha shi lynter ki surok National Highway bad surok ka Jylla.

Ia kane la pyntip da u Myntri ka Tnad District Council Affairs (DCA) ma Lahkmen Rymbui hadien ka jingialang bala pyniaid da u Myntri Rangbah ka Jylla Conrad Kongkal Sangma bad ki nongmihkhmat ka Khasi Hills Autonomous District Council (KHADC) lem bad ka Jaintia Hills Autonomous District Council (JHADC) ba long hynne ka sngi palei ha ka jingiadon ryngkat u Symbud Myntri Rangbah ka Jylla Bah Prestone Tynsong.

Haba iakren bad ki nongthoh khubor, u ma Lahkmen ula ong ba ka Sorkar kam shym la buh jingkylli halor ka bor jong ki ADC ba kin lum khajna hala u jong u pud u sam hynrei kala kdew ba kim don bor satia ban pynieng ia ki khyrdop lum khajna ha ki surok ka Jylla kynthup ki National Highway.

“Namar kata, ngi la bthah ia ki ba kin khang noh mardor ia baroh ki khyrdop lum khajna bad ka KHADC bad JHADC kila mynjur ban leh ia kane” ula ong.

Nalor kane, u Myntri ka DCA ula pyntip ba la bthah ruh ia ki ADC ba kin wanrah ia ki jing tyrwa ba kumno kin lah ban lum khajna khang ba ka Sorkar kan lah ban shong bishar.

Hynrei ula ong ba ki record ne jingbuh jingthoh kim don satia ban pynthikna ba naduh mynno ki ADC kila sdang ban pynieng ia ki khyrdop lum khajna ha Jylla.

“Ka mat hi ka long ba ki ADC kim shym la iohbor da ka ain ba kin lum ia kino kino ki khajna na ki surok National Highway bad ki State Highway” ula ong.

U ma Lahkmen ula ong ba ia ki jingeh ba mad da ki ADC ruh la iakren ha kane ka jing ialang bad ka Sorkar kala kular ban ai ia ki jingiarap kat kaba ka lah hapoh u pud u sam jong ka ain.

Share post:

spot_img

Popular

More like this
Related

Pynjari 144 CrPC u SDM ha Sohra Sub Division namar ka jingshah pyniap ki bar jylla ha Ichamati

Shillong, Lber 28: U Sub Divisional Magistrate ka Sohra...

Sohra admin promulgates section 144 CrPC following Ichamati twin murder case

SHILLONG, MAR 28: The Sub Divisional Magistra of Sohra...

Shillong Premier League | Pynliem ka Mawlai ia ka Langsning da 1 kol

Shillong, Lber 28: Ka Mawlai SC kaba la long...

Elekshon Lok Sabha | Pdiang ka kong Fenela ia ka rai ka BJP | Yn buddien ia ka jingdawa ILP

Shillong Lber 28: Ka Kong Finela Lyngdoh Nonglait kaba...