Dibrugarh, Lber 18 : Ki bor pulit ka Dibrugarh ha ka sngi Palei ba la lah ki la kem noh ia u MLA barim ka Naharkatia, u Naren Sonowal halor ka jingkynnoh donkti ha ki kam ia khalai beian na Boirangimoth kaba ha Dibrugarh ha ki bynta shatei ka Assam.
Kumjuh sa hynriew ngut kiwei pat ki briew ki la shah kem lang ha ryngkat u Sonowal halor ka jingshah kynnoh ia don bynta ha ki kam ia khalai beain.Kine kiwei pat kiba la shah kem ki dei kiba la tip kyrteng kum u Mukul Ghosh, Mehroz Ahmed, Dipendra Dutta, Ritwik Baruah, Abdul Rashid bad u Dipak Ranjan.
Haba kren sha ki lad pathai khubor ha ka sngi Thohdieng ka ba bud, u officer in-charge ka Dibrugarh police station u Raju Bahadur Chetry u la ong, “Hadien ba ngi la ioh ia ka jingtip kaba thikna, ngi la pynlong ka jingkhynra hapoh kawei ka iing ha Boiragimoth bad kem noh ia hynniew ngut ki briew kiba donkti ha ki kam ia khalai beain.”
“Ngi la ioh ban kurup shibun bah ki tiar ba la pyndonkam ha kane ka jingiakhalai nalor ka pisa T.96,500.Nalor kata ngi la kurup noh ruh ia kawei ka kali bad artylli ki thuk thuk ba la pyndonkam da kine ki briew kiba la shah kynnoh donkti. Ngi la rejistar ia ka case 150/2023 hapoh Dibrugarh police station,” ong u heh pulit.Nalor kata u la ong ruh ba ia kine baroh la ialam noh shapoh ka kashari.”
U Naren Sonowal u dei u MLA barim ka AGP napoh Naharkatia.
