Nongstoiñ, Nailar 23: Ka United Democratic Party kawei na ki seng kaba la kham bun paid napdeng ki seng Ri lum, mynta ka kynti ka la pynmih madan ia Bah Pullstar Nongsiej kum u kyrtong ban ïakhun pyrshah ha ka election MLA 2023 na Nongstoiñ Constituency.
Ka khubor ba iajan bad ka seng UDP Nongstoiñ Pyllun, la ïathuh ba ka seng ka la shim ïa ka rai ban sei ïa u bah Pullstar Nongsiej u ba na ka shnong Upper New Nongstoiñ kum u kyrtong ha ka elekshon ban wan.
La pyntip ba ia kane ka rai yn sa pynbna paidbah ha ka jingïalang paidbah ka ban long mynta hi u bnai Nailar ha Nongstoiñ. Ha kane ka jingïalang yn pdiang burom ruh ïa u bah LG Nongsiej ex MDC bad ïa kiwei kiwei.
