Shillong, Jan 6: Ka Meghalaya kala shah pynrem da 2 run ha ka Jammu and Kashmir ha ka jingiakhun ha ka U-23 Women’s T20 Trophy 2024-25 kaba la long hynne ka Sngi Nyngkong ha Jagiroad, Assam.
Ka J&K kala kamai 95 run bad hap 6 wiket ha ki 20 over hynrei haba ka Meghalaya kala leit ban tied kala kamai 93 run bad hap 7 wiket ha ki 20 over bad kala rem noh da 2 run.
Ka Meghalaya kala hap 2 wiket ha ka Over kaba nyngkong hynrei ka Rubi Chettri bad ka Ankita Sharma kila ialehkai bha da kaba pynpoi ia ka jingkamai 49 na ka bynta ka wiket kaba 3.
Ka Ankita kala kamai 11 run bad ka Rubi kala kamai 28 run.
Hadien kane ka Mansi Anand kala kamai 18 run bad ki nongtied ka Meghalaya kila bteng ban khyllem dang kloi kaba la pynlong syndon ban mad ia ka jingrem.
Hashwa kane, ka J&K kala ialehkai bha ha kaba kala hap ia ka wiket kaba nyngkong haduh ka 17.5 over hynrei sa 5 ngut ki nongialehkai kila khyllem noh da kaba kamai tang 10 run bad ka jingkamai jong ka kynhun baroh kala long hapoh jong ka 100 run bad ka Sheena Saraf kala kamai 31 run.
Ka Suruti Kumari Ray kala ioh khur 2 wiket, ka Rubi kala ioh 1 wiket.
Ka Meghalaya ha ka jingiakhun kaba khatduh pyrshah ia ka Jharkhand kala shah pynrem da 9 wiket.
Ka Meghalaya kan iakhun pyrshah ia ka Gujarat ha ka sngi Balang ha nongbah Guwahati.
