Agartala, K’Lyngkot 06: Haduh 35 ngut ki suba nongkhaii briew ki la shah kem ha ki pulit Government Railway Police (GRP) ha kine ki san bnai ba la dep hapoh ka Jylla Tripura bad la kynnoh ba kine ki briew ki donkti pynsuk ia ka jingrung beain jong ki nong Bangladesh bad ki jaidbynriew Rohingya sha India.
“Ki 35 ngut ki nongkhaii briew, baroh ki dei ki nong India, la kem da ka GRP na ki jaka bapher bapher hapoh ka Jylla Tripura ha kine ki san bnai ba la dep,” la ong uwei u heh Sorkar.
Ha ka miet Sngi U Blei, ki Pulit GRP ryngkat ka jingiarap jong ki shipai Border Security Force (BSF) ki la ioh ban kem sa 5 ngut ki nongkhaii briew na Konaban ha Sepahijala district.
Ka GRP ka la kem ruh palat 115 ngut ki nong Bangladesh bad ki Rohingya ha Station rel Agartala bad kiwei kiwei ki jaka naduh ka 1 tarik Nailar.
Ha ka jingkhynra ki BSF bad ki pulit ka jylla Tripura ki la kem ia bun ngut ki suba nongkhaii briew na ki jaka bapher bapher jong ka Jylla Tripura.
Ha kine ki 5 bnai ba ladep, kumba 600 ngut ki nong Bangladesh bad palat 63 ngut ki jaidbynriew Rohingya ki la shah kem ha ki Pulit GRP bad kiwei kiwei ki bor pahara bad ki Pulit ka Jylla Tripura na Station rel Agartala bad ki jaka bapher bapher ha Tripura hadien ba ki la rung be-aiñ sha India.
Ki BSF ha u snem ba la dep ki la kem haduh 55 ngut ki jaidbynriew Rohingya, 620 ngut ki nong Bangladesh bad 260 ngut ki nong India kynthup ia ki nongkhaii briew.
Hadien ba ka jingiakynad ka la sdang ha Bangladesh ha u bnai Naitung khamtam hadien ka jinghap noh ka Sorkar Awami League ba la ïalam da ka Myntri Rangbah barim ka Sheikh Hasina ha ka 5 tarik u Nailar, la sakhi, ka jingwan buhai shnong ki bar Jylla sha ki jylla ba shatei lam mih ngi jong ka ri India.
 ha kine ki san bnai ba la dep hapoh ka Jylla Tripura bad la kynnoh ba kine ki briew ki donkti pynsuk ia ka jingrung beain jong ki nong Bangladesh bad ki jaidbynriew Rohingya sha India.){kind=link}