Shillong, Naiwieng 13: Ka kynhun ialehkai ka Meghalaya ka la lah ban pynliem da 8 wiket pyrshah ia ka Arunachal Pradesh, ha ka jingiakhun kaba lai hapdeng jong ki, ha ka lympung ialehkai U-23 men’s State A Trophy 2025-26, kaba long ha Ropar, Punjab hynne ka sngi Palei
Ka khana jong kane ka jingiakhun ka long ba ka Arunachal, hadien ba ka la jop ia ka jingkynting pisa (toss), ka la kam trai ba kan wan ban tied nyngkong, hynrei ba kan lah ba kan kamai tang 79 ron hadien ba ka la lap ba hap baroh ki wiket ki jong ka.
U bowler uba long u namtam naka bynta ka Meghalaya dei u Gavineal Marpna (left-arm spin), kaba la pynsuk ia ka thong naka bynta ka kynun ba kan kynjoh ia ka tang ha ka 21.1 over hadienba kan hap noh tang 2 wiket.
Na ka liang ki batsman ka Arunachal u Leki Tsering u la lah ban kamai 25 ron bad u Amarjeet Sharma 15 ron.
Nalor u Gavineal, kiwei pat ki bowler ka Meghalaya kiba la lah lem ban khur ia la ki wiket ki long u Manish Sharma (2/19) bad u PM Santhosh (2/26)
Katba na ka liang ki batsman ka Meghalaya, u Dipankar Baruah (12) u Shavian Blah (36 not out) bad u Pushkar Raj Singh (20 not out) ki la seng ia ka nongrim kamai ron kaba 47 kaba la biang pura ia ka kynhun ban jop suk ia kane ka jingiakhun.
Ka jingialehkai kaban wan ia ka Meghalaya ka long ha ka sngi Saitjain pyrshah ia ka Nagaland kaban long ha Mohali.
