Shillong, Sept 15: Ka Shillong Cricket Association (SCA) kan iakhun pyrshah ia ka Ri-Bhoi District Cricket Association ha ka final jongka Meghalaya Cricket Association U-19 Girls Inter District Cricket Tournament, kaban long ha ka sngi Saitjain ha madan Umbuda, Nongpoh.
Ha ka sngi thohdieng ha ka jingiakhun iaka semi-final, ka SCA kala pynrem iaka Tura DCA da 129 run kaba long ha katei ka madan.
Ha ka sngi palei, ha ka jingiakhun ia ka semi final kaba nyngkong, ka Ri-Bhoi kala pynrem ia ka South Garo Hills DCA da 3 wiket.
Ka Jennyfer Fancon kala ioh iaka hat-trick kaba nyngkong jong kane ka jingiakob ha kaba ka SCA kala pynhap lut ia ki nongtied jong ka Tura tang da kaba kamai 45 run ha ka jingbeh ia ka 175 run kaba la kamai da ka SCA ban poi sha ka thong.
Ka Monica Singh kala ioh ia ka nam Player of the Match kaba la kamai 50 run khlem Out ryngkat bad khur ruh 4 wicket.
Ka Tura kala jied ban ball nyngkong hynrei ka SCA kaba sngewtynnad ban tied nyngkong kala kamai 174 run bad hap 6 wiket ha ka 25 Over.
Ka Monica kala tied 50 Run na ki 55 bol katba ka Jayshree Singh kala kamai 33 Run. Katba ka kapten ka Tura ka Awesa G. Momin kala ioh 2 wiket bad ai 15 Run.
Haba ka SCA kala leit ban bol kala pynlong iaka Tura ban ioh kamai tang 45 Run ha ka 15.1 Over. Ka Pillika R MMarakkaba la lah ban kamai marwei 12 run na ka 16 bol bad kam shim la out.
Ka Fancon kala bok tang 2 overs bad kala shim 3 wicket bad ai 10 run. Ka Monica, kala shim 4 wiket bad ai 13 run katba ka Jayshree kala shim 1 wiket bad ai 14 Run.
