Shillong, Naiwieng 11: Mynta ka sngi la pynkut iaka jingiakop rah nar lane ka 4th State Weightlifting Championship bala pynlong daka West Garo Hills Weightlifting Association (WGHWA) ha Indoor Stadium ha Mawkyrwat South West Khasi Hills.
Watla ki don tang 3 ngut ki nongmihkhmat na ka WGH namar ba bun kim don ha ka met ba koit ba khiah bad kiwei ki daw, ka district ka la ioh rah iaka jingjop.
Kiba ioh takma ki kynthup Raksil N Sangma takma ksiar haka 65 kg category, Raul Gabryan M Sangma takma Gold haka 60 kg category bad Chesya M. Marak takma rupa haka 48 kg category.
Ka Association ka ai khublei ia baroh 3 ngut ki nongiashim bynta kiba la wanrah ia ka jingsarong ia ka district haka 4th State Weightlifting Championship.
Namar ki daw bym lah kiar ka Association ka la rai ban pynsangeh noh iaka Lottery ban kynshew pisa naka bynta ki jingdonkam jong ka Association.
“Baroh ka pisa ba la lum yn pynphai biang sha ki nongnoh synniang. Ngi sngewnguh shibun eh ïa ka jingaiei bad jingkyrshan ba la pynpaw da ki riew shimet bad ki nongkyrshan ban kyntiew iaka lehkai rah nar haka District” la ong ka WGHWA.
 ha Indoor Stadium ha Mawkyrwat South West Khasi Hills.){kind=link}