Shillong, Jylliew 14 : Namar ka jingther u slap, ka jingtwa khyndew kala jia hynne ka step sngi Balang ha ka surok ba marjan ka Tunnel Sonapur, East Jaintia Hills.
Kane ka jingtwa khyndew kaba la tap ia ka surok, kala wanrah ia ka jingdheng kali ha ka surok National Highway-6 tad haduh ban da dep pynkhuid lut ia ka khyndew da ki bor khmih.
Ki Pulit ka Lumshnong ha ryngkat ki Pulit na Umkiang kila kyntu ia ki nongniah kali ba kin phikir bha haba iaid lyngba ka National Highway-6 namar ka jingma n aka jingtwa khyndew.
Lah ban kdew hangne ba ka thain Sonapur-Umkiang ka dei ka jaka kaba jur bha ka jingtwa khyndew ha man ka lyiur.
