Shillong, Lber 11: Ka Khasi Students’ Union (KSU) hynne ka sngi ka la pynlong ia ka jingiaid paidbah daka jingthmu ban tur sha Iingdorbar Thawain ain, ban pyrshah ia ka jingthmu jong ka sorkar ban mynjur ia ka amendment jong ka Meghalaya State Investment Promotion and Facilitation Act, 2024 bad ban wanrah ia ki lynti Rel ha ki thain Rilum Khasi-Jaintia.
Da kaba rah lang iaki lama rong Blue, ki banner bad ki placard, ki dkhot ka KSU ki la pyrta slogan ruh pyrshah ïa ka MSIPF bad ïa ka lynti Rel.
Hynrei iaki dkhot ka KSU la khanglad noh daki Bor District bad ki Pulit ha Lad Rilbong, ka lynti ban iaid sha Iingdorbar Thawain.
Ka KSU ka la dawa na ka Sorkar ba kan weng noh ia ka jingpynkylla ia ka MSIPF da kaba kynnoh ba kane kan ai bor ia ka IMA ba kan thied bad ban ai jaka ia ki nongkynshew kam, kaba long pyrshah iaka jingthmu ki jong ka Meghalaya Land Transfer Act.
Ka KSU ka la pyrshah jur ruh ia ka jingthmu jong ka Sorkar ban wanrah ia ka lynti Rel namar ka jingbym don ki ain ki ban pyrrkhing ia ka jingwan rung bad buhai shnong ki bar Jylla.
“Pyntreikam shuwa ia ka Inner Line Permit sa iakren ia ka lynti rel” ong kawei na ki placard.
Haba iakren bad ki nongthoh khubor, u General Secretary ka KSU Donald V Thabah ula ong ba kane ka jingiakhih ka long ban phah ia ka khubor kaba shai ba ka KSU kan pynjur ia ka jingpyrshah lad aka Sorkar kam sngap ia ki jingdawa jong ka seng.
“Ka dei ruh ban phah ia ka khubor sha ka Sorkar ba ngi pyrshah jur ia ka MSIPF bad ruh ka jingwanrah ia ka lynti rel ha kino kino ki bynta jong ka ri-lum Khasi bad Jaintia” ula bynrap.
Haba iadei bad ka MSIPF, u Bah Thabah ula ong “Ngi dawa ia ka Sorkar ban pynduh noh ia ka amendment jong ka MSIPF namar ka dei ka ain iakjakor bad kaba pyrshah ia ki riewlum. Kane kan sa ktah jur bha namar ngin sa duh ia bun bah ki jaka bad ha ngi ki riewlum khlem ka jaka ka mut ba ngi la iap”.
“Wat hapdeng ki shithi bala phah sha ka Sorkar bad ki 6 ngut ki MLA, kam shym la don kano kano ka jubab haduh mynta. Hynrei, ngi la ai ka lad ia ka Sorkar bad ba kan pynduh noh ia kane ka Ain namar lada ai jaka beit beit sha ki nongkynshew kam shimet, kan long kaba iaid pyrshah ia ka Land Transfer Act” ula ong haba bynrap “Ka jingpynkha ia ki land bank (pyllang jaka) ka dei kaba ma bha namar lada phi aiwai ia bun acre ka jaka sha ki nongkynshew kam shimet, ngi hi ki ban duhnong. Nalor kajaka, ngi duh ruh ia ka lad iohkam iohjam namar kane ka ain kan ai jingmyntoi tang ia ki katto katne ki briew”.
Haba pynpaw ba ka lynti rel kan nang pynbun ia ka jingwan rung ki briew ba nabar sha Meghalaya, u samla Donald ula ong “Ha Nagaland, Dimapur, ki Naga kila kylla long rit paid hakhmat ki briew ba nabar nama ka ILP ha Nagaland kam treikam ha baroh kawei ka Jylla.Lada phi leit sha Dimapur phin sa iohi ia kaei kaba jia ha Dimapur bad Nagaland”.
“Ngi sngewthuh ba ka lynti rel ka dei kaba donkam. Don ki briew kiba ong ba lada wan ka lynti rel, ki mar ki mata kin tad dor hynrei ka Shillong ka jngai tang 100 km na Guwahati bad ka Imphal ka jngai 300 Kmna Guwahati hynrei balei ba ki mar ki mata ki tad ha Manipur ban ha Meghalaya. Kane ka dei ka jingkylli nab aka Manipur ruh kam shym don lynti rel” ula ong.
“Hooid, ka lynti rel ka lah ban wanrah ia ki jingmyntoi hynrei ngi sngewthuh ba ka kham bun ka jingktah ban ia ka jingbha namar kan nang wanrah ia ki briew ba nabar bad ngin sa kylla rit paid hala ka jongkari”ong une u Nongialam ka KSU.
 hynne ka sngi ka la pynlong ia ka jingiaid paidbah daka jingthmu ban tur sha Iingdorbar Thawain ain, ban pyrshah ia ka jingthmu jong ka sorkar ban mynjur ia ka amendment jong ka Meghalaya State Investment Promotion and Facilitation Act, 2024 bad ban wanrah ia ki lynti Rel ha ki thain Rilum Khasi-Jaintia.){kind=link}