Shillong, Naitung 22 : Ki Seng ki khun ki hajar ka Hima Langrin ha ka sngi Balang kila tur paidbah sha ka Ophis ka Khasi Hills Autonomous District Council (KHADC) ha Shillong, bad aipor 15 sngi ia kane ka Council ban weng ia u Nangtei Sing Syiem kum u Syiem ka Hima Langrin lane mad ia ka jingiakhih.
Hapoh ka jingialam u Convener Wadladkyrpang L Langrin, ki khun ki hajar ka Hima kila iatur sha phyllaw ka KHADC bad iakynduh ia u Chief Executive Member (CEM) Winston Tony Lyngdoh ban aiti ia ka dorkhas.
Kane ka kynhun ka pyntip ba kala ieng pyrshah ia ka jingthung syiem ia u Nangtei Syiemiong naduh u snem 2023 bad kala aiti ruh ia bun tylli ki jingujor sha ka Council ha kine ki sngi bala leit noh. Ka jingpyrshah jong ki ka long ia ka rai jong ka KHADC ban thung biang ia u Syiemiong sha kane ka kam Khlieh Nongsynshar ka Hima.
“Ngi la kren shai ba ngim lah ban pdiang ia u Nangtei Sing Syiemiong kum u Syiem ka Hima Langrin la ka long ha kano kano ka rukom ruh” ong u Langrin haba iakren bad ki nongthoh khubor hadien ka jingialang.
Kat kum ka jingong jong u, ka Council kala pyntip ba kam pat shym la ioh por ban bishar bha ia ki file ba iadei bad ki jingujor. Haba ai jubab ia kane, ka kynhun kala buh syndon da ka por.
“Lada ka Executive Committee kam lah ban weng ia u Nangtei Sing Syiemiong hapoh ka 15 sngi, ngin sa wan biang bad pynlong ia ka jingshah thngan tad haduh ba ngin da ioh ia ka jubab kaba shai na ka KHADC” ong u Bah Langrin.
Ula bynrap ba ki khun ki hajar ka Hima Langrin kin ym shu shong kli kti khlem da ioh ia ka hok bad kila pynkhreh ban pynjur ia ka jingiakhih lada ka Council kam lah ban leh eiie hapoh ka por kaba la buh.
“Ngi la aipor 15 sngi. Lada kam ai jubab, ka jingiakhih paidbah kan sdang biang. Ki don bun ki lad ki lynti bad ngin sa shim rai ia kaei kaba dei ban leh” ula ong.
 ha Shillong, bad aipor 15 sngi ia kane ka Council ban weng ia u Nangtei Sing Syiem kum u Syiem ka Hima Langrin lane mad ia ka jingiakhih.){kind=link}