Mairang, Lber 3: Ka Community & Rural Development Block ka Mairang ha ryngkat ka Indian Institute of Hotel Management, Shillong, hynne ka sngi Nyngkong kila pynlong ia ka prokram ai jinghikai ia ki samla pule ka thain ha ka liang ka hospitality (ban pyni ia ka akor ka burom ia ki nongshangkai) ba kynthup ia ka jingioh kam iohjam na ka kam jngoh kai pyrthei.
Ia kane ka prokram la pynlong ha Tirot Sing Memorial Hall, Pyndengumiong, Mairang bad la pynshong kun ia ka da ka jingiadon lang I Dr. L.R. Hynñiewta, BDO ka Mairang, Bah S. Khonglah Lecturer ka IIHM, Shillong, Kong S.Wahlang Demonstrator ka IIHM, Shillong.
Da ki spah ngut ki Khynnah/samla Pule bad ki nonghikai jong ki skul bad kolej ka thaiñ, kiba kynthup ïa kito kiba la wan na ka Mairang Presbyterian Higher Secondary School, Mairang, ka Khadsawphra College, Mairang, ka St. Thomas Higher Secondary School, Mairang bad ka Myrïaw RMSA Higher Secondary School, Myrïaw kila wan ban iashimbynta.
Ka jingthmu jong kane ka prokram ka long ban hikai ban kdew lad kdew lynti ïa ki khynnah pule ka thaiñ, halor ki lad ïohkam ïohjam lyngba ka tnat jngohkai pyrthei, kaba long kawei na ki tnat kiba la nang kiew na ka por sha ka por lyngba ka jingïohkam ïoh kamai jong ki nongshong shnong.
Ha kane ka sngi, ki khynnah pule ka thaiñ ki la ïoh jinngpynshai ruh halor ki jait jingpule ïa kiba lah ban ïoh hapoh ka Indian Institute of Hotel Management, Shillong kiba kynthup ïa ka B.Sc in Hospitality & Hotel Administration, ki Diploma Course na ka bynta kito kiba lah dep ïa ka Class 12 bad ruh ki Short Term Certificate Course na ka bynta kito kiba lah dep ïa ka klas 10.
