Nongstoin, Nohprah 21: Da ki spah ngut ki paidbah ki la tuid sha ka Free Medical Camp ba la pyniaid da ka HSPDP Youth Wing Nongstoin Area unit ha ka sngi nyngkong ha ka shnong Mawlangdep.
Ha kane ka medical camp, ki nongialam jong ka HSPDP Youth Wing ki la pynsngewthuh ruh ia ki paidbah ka thaiñ, ia ka jingmyntoi ba ki lah ban ioh na ka PMJVK scheme, namar ba lyngba katei ka scheme lah ban ioh ia ki dawai dashin ha ka dor ka ba duna bad ba bit na ki Hospital Sorkar.
Ki longkmie bad ki riew rangbah kiba la pynpaw ia ka jingkmen ba ki khun samla ki ba la nang la stad, ki lawanrah ia kum kine ki jingsumar ei, khamtam eh ban pynshai paidbah ia ki scheme bapher bapher sha ki paidbah ka dong ka thaiñ ban ioh jingmyntoi lang ia baroh.
