Shillong, Nailar : U MLA ka Shillong South Bah Sanbor Shullai uba dei ruhu Chairman jong ka Meghalaya Tourism Development Corporation (MTDC) u la pynpaw ba u don ka jingsngewjan bha ia ka shnong Riatlaban Kynjatphutbol, namar na kane ka shnong u la kylla long u nongmih khmat paidbah kum u MDC bad MLA.
Haba batai ia ka jingheh jingsan kum u samla, u Bah Sanbor u la iathuh ba ha kawei ka sien ba don ka jingialehkai phutbol ha ka por ba u dang long kum u President ka seng FKJGP Laban Circle, ki riew rangbah kila pynbor ia u ban iakhun noh ia ka election MDC.
Halor kane, hadien ba la long kum u nongmih khmat paidbah u Bah Sanbor um ju klet ia kane ka shnong, bad mynta ka sngi ka 16 tarik u Nailar u la plie haduh lai tylli ki projek ba dang shu dep shna ha ka constituency kiba kynthup ia ka surok dewbilat ha ka shnogn Madan Laban kaba la shna haka jinglut kaba 83lak tyngka, nangta ka surok dewbilat ha ka shnong Riatlaban Kynjatphutbol ia kaba la shna ha ka jinglut kaba kot sha ka 57 lak tyngka bad baroh kine ki project kila kot hadud T. 1 klur tam.
Ha kane kajuh ka sngi u Bah Sanbor u la plie ruh ia ka jaka sum bad k ajaka leit painkhana kaba la shna na ka bynta ki nongsait jain na katei ka shnong Riatlaban Kynjatphutbol.
La donlang ha kane ka sngi naduh u Executive Engineer ka tnad PWD Bah N Lyngdoh, ka ADC Kong D Kharmalki, Junior Engineer, ki ophisar na kiwei ki tnad bad kumjuh ki nongialam shnong jong ka Madan Laban bad Riat Laban Kynjatphutbol.
Haba iadei bad ka surok ha ka shnong Riat Laban, u MLA u la pyntip ba shen kin sa sdang noh sa ia ka second phase la kumno kumno ha u Nailur. U la iathuh ba shen kin sa ioh ruh ban shna ia ka Cultural Centre kaban don lang naduh ka jaka ieng kali, ka jaka long jingialang bad ka ophis treikam jong ka Dorbar Shnong, seng samla bad ruh na bynta ki seng longkmie.
Katba na bynta ka surok kaba plie ha Madan Laban la iathuh ba kane ka surok kaba la shna hangtei kadei ha ka jaka kaba khim bha kaba mynshwa ka don tang ka lynti iaid kjat kaba khim.
Shuh shuh u Bah Sanbor u la pyntip, “Kine ki surok ba la plie mynta ka sngi ha ki por ba mynshwa kidei tang ki lynti iaid kjat hynrei da ka jingiohi jngai jong kine ki dorbar shnong kine mynta ki la lah ban pynkylla sha ki surok iaid kali bad kane kadei ka jingangnud jong nga ban pynpoi surok sha man la ki thiew iing hapoh ki shnong ki thaw”.
Ha kaba iadei bad kane ka kam, dei ki longkmie kiba im ja da kaba saitjian nong kiba la ai ka jingiaroh bad ka burom ba khraw ia u Bah Sanbor uba la pynioh ia ki, ia ka jaka ka ban lait na u slap ka sngi ia ki.
 u la pynpaw ba u don ka jingsngewjan bha ia ka shnong Riatlaban Kynjatphutbol, namar na kane ka shnong u la kylla long u nongmih khmat paidbah kum u MDC bad MLA.){kind=link}