Agartala, Rymphang 29: Ka Tipra Motha Party (TMP) kaba dawa ia ka ‘Greater Tipraland’ lane ka Jylla la ka jong ia ki paid riewlum hapoh ka Article 2 bad 3 jong ka Riti Synshar ka Ri, kala pynlong ia ka jingiakhih ha surok bah NH-8, kaba la pynthut ia ka leit ka wan jong ki kali ha kane ka surok ba kongsan eh jong ka Jylla.
Palat hajar ngut ki paid riewlum ba ialam da ki Nongialam ka TMP, kila sdang ia kane ka jingiakhih naduh hynnin ka sngi Balang halor ka jingdawa ai Jylla la ka jong ia ki paid riewlum ka Tripura.
Ka Sorkar kala phah ia bun bah ki bor pahara ha kane ka jaka ba pynlong jingiakhih ka TMP ha Hatoi Katar, kaba jngai kumba 30 Km na Agartala, ban khanglad ia kino kino ki jingkulmar.
U Khliehduh ka TMP Pradyot Bikram Manikya Deb Barman ula pynsdang ia ka jingshah jingit haban da iap, ban dawa pynurlong ia ki jingkular jong ka Sorkar Pdeng halor ka jingdawa jong kane ka seng sain pyrthei ki riewlum.
Ula kam ba hapdeng ka jingiakhih, ula shah khot ha ka Sorkar Pdeng sha Delhi ban iakren ia ki jingdawa ka TMP.
U Pradyot uba la iakynduh ia ki Heh ka Ministry of Homa Affairs (MHA) dang ha ka taiew bala dep ha Delhi, ulaong b aka TMP ka kwah ban ioh da ka jingthoh ia ki jingkular ka Sorkar pdeng hapdeng ki jingdawa ka party.
