Agartala, Risaw 12 : Ki Pulit ka Tripura hynne ka sngi Palei, kila jynrat haduh 30,000 tylli ki dieng Ganja ha ka thain ba shatei jong ka Jylla kum ka sienjam ha ka jingiakhun ban pynduhjait ia ka jingrep ia une u jingdih pynbuaid.
Ki Pulit ka Pechartala kila shim ia kane k sienjam ha Ramdula Para, Machmara bad ha kiba bun ki jaka ka thain.
U Sub Inspector ka Pechartala Police Station Ringraimani Halam ula ong “Ka jingkhynra jong ngi ka long kaba jop bad ngi la lah ban tehlakam ia ka jingrep drok ha kane ka thain.
Ngi la jynrat haduh 30,000 tylli ki dieng ganja ia kaba la pynshong dor haduh T. 20 lak ha ka iew ganja”.
Kane ka jingkhynra ka dei kaba la iatreilang hapdeng ki Pulit bad ki TSR haba buh hakhmat ia ka jingwan jong ka Durga Puja.
Ia kane ka jingkhynra la pynlong hapoh ka jingkhmih jong u Superintendent of Police ka District.
Ka khubor ka iathuh ba ka jingrep ganja sop sop ha Tripura ka dei kaba jur bha namar ka jingdawa ka Iew. Bun na ki ganja ba pynmih na Tripura u dei uba la pyniaid iew sha kylleng ki Jylla ka thain Shatei Lam Mihngi ka Ri.
