Aizawl, Risaw 12 : Ki Seng Sain Pyrthei bad Sengbhalang ka Mizoram kila thoh sha ka Election Commission of India (ECI) ba dawa ban pynkylla noh ia ka sngi niew vote jong ka elekshon MLA ban long la 7 tarik Naiwieng.
Ka ECI kala buh ba ka sngi niew vote kan long ha ka 3 tarik Nohprah kaba hap ha ka sngi U Blei.
Ha ka shithi sha u Chief Election Commissioner Rajiv Kumar hynnin ka 11 tarik Risaw, baroh ki Seng Sain Pyrthei bad ki Sengbhalang kila ong “Kumba phi top, jan 90% ki nongshongshnong ka Jylla ki dei ki Khristan bad ka sngi U Blei ka dei ka sngi kyntang ia ki Nongshongshnong ka Mizoram. Ngi ki Mizo ngi mane ia u Blei ha ka sngi U Blei bad ngim ju pynlong prokram ne khaii pateng ha ka sngi U Blei, Namar kata, ngi kyrpad ia phi ban buh noh da kawei ka Tarik ban niew vote ym ha ka sngi u Blei”.
Ia kane ka shithi la soi da ka MNF, MPCC, ZPM, SEMC, PCP, ZNP, AAP, CYMA, MUP, MHIP, MZP, bad MSU.
