Agartala, Lber 26: Hashuwa ka jingwan ka elekshon Lok Sabha ha Tripura, ki party ba iatreilang ha ka NDA ba kynthup ia ka BJP, IPTF bad ka TIPRA Motha, kila shong ia ka jingialang Coordination Committee ba nyngkong eh hapoh ka Jylla.
Ki Nongialam ba halor jong kine ki lai party kila iashimbynta ha kane ka jingialang bad kila iamir jingmut halor ki sienjam ba dei ban shim ha kane ka elekshon Lok Sabha ban wan.
U President ka BJP ha Tripura Rajib Bhattacharjee ula kren halor ka jingdonkam jong ka Joint Coordination hapdeng ki lai tylli ki party naduh ki shnong ki thaw haduh ki kyrdan jong ki mandal.
U Bhattacharjee ula bynrap ba kane ka jingialang ba thmu ban iakren halor ki jingpynkhreh ia ka elekshon bad kumno ba ka jingiatreilang ki lai party kan wanrah ia ka jingjop ha baroh artylli ki constituency-ka East Tripura bad West Tripura.
Ula ban jur ia ka jingkut jingmut ban kyrshan ia ka jinglong nongialam jong u Narendra Modi bad ban pynthikna ia ka jingshah jied biang jong u kum u Myntri Rangbah Duh da kaba pynphuh ia u tiew lotus ha baroh artylli ki constituency.
