Shillong, Lber 26: Saw ngut ki kyrtong ba kynthup ia u MP ba mynta Bah Vincent H pala, ha ka sngi Baar, kila thep kyrteng kum ki kyrtong na Shillong Parliamentary seat ha ka elekshon Lok Sabha ban long la 19 tarik Iaiong.
Kiwei pat ki kyrtong ki kynthup ia u Bah Robertjune Kharjahrin na ka Regional Democratic Alliance (RDA), u Dr Ricky AJ Syngkon na ka VPP bad u kyrtong shimet Prof Lakhon Kma.
Shuwa kane, ka kyrtong ka NPP bad Myntri Sorkar Kong Ampareen Lyngdoh bad u kyrtong shimet Peter Shallam, kila thep kyrteng ha ka sngi ba lai jong ka sngi thep kyrteng.
Baroh ki don haduh 6 ngut ki kyrtong ki ban iakhun na Shillong Parliamentary constituency hadien ba ka BJP kala rai ban kyrshan pura noh ia ka NPP.
Ka sngi thep kyrteng ba khatduh jong ki kyrtong kan long ha ka 27 tarik Lber. Ka jingbishar kyrteng kan long ha ka 28 tarik Lber bad ka sngi khatduh ban weng kyrteng jong ki kyrtong kan long ha ka 30 tarik Lber.
