Guwahati, Lber 26 : U Myntri Rangbah ka Jylla Himanta Biswa Sarma ha ka sngi Nyngkong ula kam ba hapoh u 2026, ka Congress kan sa jah kyrteng syndon hapoh ka Jylla bad ka lawei jong u Nongialam ka party Rahul Gandhi kan sa long kaba dum tliw.
Haba iakren bad ki nongthoh khubor, u Himanta ula ong “Ban thep vote sha ka congress ka mut bat hep sha u Rahul Gandhi. Ka jingthep sha ka BJP ka mut ba thep sha u Narendra Modi. Kito kiba ieid ia u Narendra Modi bad ngeit baka India kan long ka Viswaguru, kin thep vote sha ka BJP ha kane ka elekshon. Kito kiba ngeit ha u Rahul Gandhi, ki tip ruh ba ka lawei jong ki ka long kaba dum. Wat ka lawei u Rahul Gandhi kala dum ngit bad jongki nongbud kala kham dum shuh shuh”.
“Ngi la sakhi ba bun ki nongialam ka Congress kila ieh ia kane ka party bad kila pyniasoh sha ka BJP bad AGP. Nga ngeit ba kan ym don shuh ka Congress ha Assam hapoh u 2026” ula kam.
U Himanta ula kam ba wat u President ka Assam Pradesh Congress Committee Bhupen Kumar Borah, yn sa pyniasoh noh sha ka BJP ha ba sdang bnai jong u 2025.
