spot_img

Tripura | Dawa ka Tipra Motha ia ka Sorkar bad Liang Pyrshah ban pynbeit noh ia ka dak thok Kokborok

Date:

Share post:

Agartala, Lber 24: U nongialam ka Tipra Motha Pradyot Kishore Debbarma u la kyntu ia ka Sorkar Jylla bad iaka kynhun Liang Pyrshah ba kin pyni haka nongrim kaba shai halor ka Roman Script na ka bynta ka ktien Kokborok da kaba pynskhem ba ia kane ka kam lah ban pynbeit tang ha Jylla khlem da donkam ban pynrung ia ka ktien Kokborok ha ka Khyrnit kaba Phra jong ka riti synshar ka Ri India.

Ia kane u Pradyot u la kren hashuwa baka Tripura Students’ Federation (TSF) kala bteng ïa ki jingïakhih watla u Myntri Rangbah ka Jylla Manik Saha u la pynpaw ba u kwah ban ïakren ïa kane ka kam hapoh ka iingdorbar.

Haba kren sha ki lad pathai khubor, u Pradyot u la ban jur ba ka jingdawa ia ka Roman Script ka dei ka kam ka bym lah ban ia iapein bad kaei kaei ruh.

“Ngin ym iakren ban pynrung ia ka ktien Kokborok ha ka Khyrnit kaba Phra jong ka Riti Synshar ka Ri, namar kata kan pynlong ia ka kum ka Subject ka Sorkar Pdeng. Ka dei ka kamram jong ka Sorkar Jylla ban rai, la ki samla pule Tiprasa ki dei ban pule da ka dak Roman ne Bengali. Ka nongrim jong nga ka long kaba shai, ngi kwah ia ka Roman Script.

Ka Sorkar Jylla, ki kynhun liangpyrshah khamtam ka Communist Party kidei ban kiar ban bret iaka jingkitkhlieh sha Delhi bad ban pynbeit ia ka jingeh hangne ha Tripura,” u la ong.

U Pradyot u la bynrap ruh ba u la ĂŻakren bad u Myntri Rangbah ka Jylla bad ki nongmihkhmat jong ka TSF, da kaba ban jur ba ĂŻa kane ka kam dei ban pynbeit hapoh ka Jylla.

U la kdew ba ha ka sien kaba nyngkong ha ka iing dorbar jong ka Tripura, u MLA ka Tipra Motha bad u Myntri Sorkarnunka kynhun u Animesh Debbarma u la rah ia ka mat dawa thoh Kokborok Script hakhmat u Myntri Rangbah ka Jylla.

“Kane kam dei shaphang ka Politiks hynrei ka dei shaphang ka jingim bad jingdon jong ka jaidbynriew Tiprasa. Ngam don bynta haka jingkhih hynrei nga ieng ha ka jingiatylli bad ka TSF namar ka jingdawa jong ki ka long kaba dei hok” u la ong.

Share post:

spot_img
spot_img

Popular

More like this
Related

Dawa ka KSU ia ka Sorkar ban tuklar mardor halor ka eksam CUET-UG ba pynsyllang ia ki samla Pule

Shillong, Jymmang 08 : Ka Khasi Students’ Union (KSU)...

Pynpulom ka India ia ka jingthmu hiar thma ka Pakistan | Pynjulor ia ki kor Air Defence ha Lahore

Shillong, Jymmang 08 : Ki shipai India kila pynpulom...

Foreign-made drone recovered near India-Bangladesh border amid heightened tensions

Guwahati, May 8: While security forces remain on heightened...

Pynphai ka Pakistan da ki mortar ha J&K | Iap 15 ngut, mynsaw 50 ngut

Shillong, Jymmang 08 : Haduh 15 ngut ki briew...