spot_img

Tripura: Dawa ka CPI (M) bad Congress ban leh tyngeh ia kiba thombor ia ka Khynnah Klas 10

Date:

Share post:

Agartala, Nailar 07 : Ka Liang Pyrshah CPI (M) bad ka Congress kila pynrem jur ia ka jingthombor ia kawei ka Khynnah klas 10 jong kawei ka skul ha Sepahijala District bad dawa ban kem mardor bad ai ka jingpynsajia ba tyngeh ia ki briew ba donkti.

Dang shen, ka kynhun ki briew shnong kila thombor ia kawei ka Khynnah klas 10 namar ka jingpyrshah ia ki jingbthah jong ka kynhun ba ki kynthei muslim kim dei ban phong hijab haba wan sha skul.

Ha ka kyrwoh, ka Left Front kala pynpaw ba ka jingpynbor ban nym phong ia ka hijab hapoh skul ka dei shibynta jong ka agenda ka Rashtriya Swayamsevak Sangh (RSS) bad ka Bharatiya Janata Party’s (BJP) ban wanrah ia ka jingsngew iapher niam ia kaba la shimkhia ban pyntreikam da ka Vishwa Hindu Parishad (VHP) ban pynsaphriang ia ka jingshun ia ki Muslim ha Sepahijala District.

“Ka VHP bad ka Akhil Bharatiya Vidhyarti Parishad (ABHP) kila iaid ialap hapoh ka thain la katto katne por ban khang ia ki kynthei ba kin phong hijab sha skul da ka jingthmu ban pynsaphriang ia ka jingshun ia ki niam rit paid bad thaw ia ka jing kular. Kane ka jingjia kala jia namr ki Pulit bad ki bor Sorkar kim shym la leh eiei”. Kala ong.

Ka CPI (M) ka dawa ia ka Sorkar ban ithuh ia ki briew kiba donkti ha kane ka jingthombor bad ban leh da kaba tyngeh ia ki.

Ha kawei ka liang, ka Congress ruh kala pynbir ia ka Sorkar ban ithuh ia kine ki briew bad ban kem noh kham kloi ia ki.

“Mano ba ai ka bor ia ki ban rung sha skul bad thombor ia ki samla pule? Kine ki jingjia kila jia ha kylleng ki bynta jong ka Ri” ong u Myntri barim bad MLA ka party Sudip Roy Barman.

Share post:

spot_img
spot_img

Popular

More like this
Related

Palat T.23 klur sahkut ka pisa ba pyntrei ia ka MGNREGA ha WKH

Nongstoin, Nailar 08: Ka kynhun West Khasi Hills District...

Assam | Iakhih tyngeh ka AASU ba weng ka Sorkar ia ki case CAA pyrshah ia ki Hindu ba wan na Bangladesh

Guwahati, Nailar 08: Ka All Assam Students’ Union (AASU)...

Thung ka UDP ia u Bah Titos kum u Secretary General ba thymmai ka Seng

Shillong, Nailar 08 : Ka United Democratic Party (UDP)...

Pyrshah jur ki 4 Shnong ban buh bonded warehouse ha shnong Domsaw

Shillong, Nailar 08 : Saw tylli ki Shnong ka...