Tura, Nailar 07 : Ki Pulit ka Phulbari kila ioh ban kem ia u Chanda M Sangma, uba la phetrieh la bun sngi hadien ka jingsuba pyniap ia ka Khynnah 12 snem ha lyndet ka Iingsah jong ka ha West Garo Hills.
Kat kum ka khubor, ia une u briew la iohi da ki nongshongshnong ka Jangrapara, kiba la pyntip sha ki Pulit ba kin kem.
Hadien ka jingthwet kaba jur ha Jangrapara bad ki khlaw ba marjan, ki Pulit kila iohkem noh ia une u briew.
Ka dei ha ka 1 tarik Nailar, la lap ia ka metiap jong ka khynnah 12 snem hapdeng ka jinglyngkian ka snam hapoh ka Shnong Jangrapara.
Ki Pulit kila register case ia kane ka jingjia hapoh ka Tura Women Police Case No. 58(08)2023 U/s 302/376A IPC R/W Sec. 5/6 jong ka POCSO Act.
Ia une u briew la kit nph sha Tura bad ka jingtohkit mynta kala iaid shakhmat.
Pule lang ia kane: Husiar paidbah ia ka BJP, Kyntu u Heh Congress da kaba ai nuksa ia ka Manipur
Peit lang ia kane
