Shillong, Nailar 29 : U Myntri Rangbah ka Jylla Conrad K Sangma ula pyntip ba 36 ngut ki briew kila aplai ban ioh mining lease ha kaba tang 4 ngut kila ioh jingmynjur ia ka mining lease.
Ula pyntip ba 13 ngut kila ioh jingmynjur ia ka Prospecting licence, 16 ngut ki bym pat ioh ia ka prospecting licence bad 3 ngut kila weng noh ialade.
Haba jubab hapoh ka Iingdorbar ha ka sngi Palei, u Conrad ula ong ba ki 4 ngut kila aiti ia ka mining plan bad kane ka kam ka dang iaid shaid shaid mynta.
Ula iathuh ba ka jaka ba donkam duna eh ban ioh ia ka prospecting licence kat kum ki kyndon bala buh da ka Sorkar India ka long 100 hectare.
Nalor kane, u Myntri Rangbah ula ong ba ia ka jingtih thliew khnai yn ym lah satia ban khein kum ka jingtih kat kum ka stad saian.
