Shillong, Nailar 08 : Ka United Democratic Party (UDP) kala jied ia u CEM barim bad Nongialam ka Liang Pyrshah ha KHADC Bah Titosstarwell Chyne kum u Secretary General ba thymmai ka seng.
Ia kane la pynbna da u President ka UDP Bah Metbah Lyngdoh hadien ka jingialang jong ka Central Executive Committee (CEC) ba long ha ka sngi Thohdieng.
“Ngi la ai jingmynjur lang ia ka kyrteng u Bah Titosstarwell Chyne kum u General Secretary ba thymmai ka seng” ong u Bah Metbah haba iakren bad ki nongthoh khubor.
La ka CEC ka iakren ne em ia ka jingbujli Myntri, u President ula ong ba katto katne ki nongialam kila rah ia kane ka mat hynrei ka CEC kam dei satia ka rynsan ban iakren ia kane ka phang. “Kumta, ngi la shimkhia ia ka jingai jingmut jong ki ha kane ka jingialang” ula bynrap.
Haba pdiang ia ka rai jong ka seng, u Bah Titos ula ong “Nga pynpaw ia ka jingsngewnguh iaka CEC kaba la ibit ia nga ban long u General Secretary ba thymmai ka seng”.
Ula pynpaw ruh ba ki mat ba hakhmat eh ba un leh hadien ka jingshimti ia ka kam GS ba thymmai ka long ban pynkhlain shuh shuh iaka seng.
“Nga kular ban pyndep ia ki kamram bala tynrong ha nga” ong u Bah Titis haba pynpaw ba ka jingtrei kam jong ka party kala shah ktah ha kine ki khyndiat bnai bala leit hadien ka jingiehnohkam jong u General Secretary barim Bah Jemino Mawthoh.
Hynrei, ula pynpaw ia ka jingsngewskhem da kaba ong “Nga sngewskhem khamtam hadien ka jing ialang ki President bad ki Secretary jong ki District bapher bapher ba ngin lah ban nang pynkhlain shuh shuh ia ka seng. Kan don ka jingiatreilang kaba jan hapdeng ki nongmihkhmat bala jied da u paidbah bad ka party naduh nangne shakhmat”.
 kala jied ia u CEM barim bad Nongialam ka Liang Pyrshah ha KHADC Bah Titosstarwell Chyne kum u Secretary General ba thymmai ka seng.){kind=link}