Shillong, ber 09 : Ka Sorkar Jylla hynne ka sngi Palei kala thung ia i Myntri Sorkar Dr Ampareen Lyngdoh, Marcuise Marak bad Bah Paul Lyngdoh kum ki Nongaiktien jong ka Meghalaya Democratic Alliance (MDA)-II.
Kine ki lai ngut ki Myntri Sorkar dei ki Nongaiktien jong ka MDA-II nalor u Myntri Rangbah Conrad K Sangma bad u Symbud Myntri Rangbah Bah Prestone Tynsong, pyntip u Conrad ha ka jingiakren bad ki lad pathai khubor hadien ka jingialang ba nyngkong eh jong ka kynhun Myntri hynne ka sngi.
Hynrei halor ka bhah kam, u Myntri Rangbah u pyntip ba ka Sorkar kan sa pyllait noh mynta ka janmiet ka 9 tarik Lber ia ka jingpynbna halor ka bhah kam ia ki Myntri.
Haba kylli la ka jingbhah kam ia ki Myntri kan shong kat kum ki jingshemphang ban trei, u Myntri ula ong ba un sa khmih ia ki rukom treikam ban pynthikna ia ka jingbiang tarajur ha ka sorkar.
“Ngin hap ban iatreilang bad hap ban shim ia kaei kaba bha tam na ka bynta ka Jylla bad namar kata, haba buh hakhmat ia ka bha ka miat jong ka Jylla bad ban pynbiang tarajur ia ka rukom treikam ha ka Sorkar, kan dei kawei na ki kyndon ban hap khmih ha ka jingbhah kam” ong u CM.
Lah ban kdew hangne ba ka NPP kaba don bun eh ki MLA kan don haduh 8 ngut ki Myntri, 2 na ka UDP bad mar 1 na ka BJP bad ka HSPDP.
