Tura, K’lyngkot 23 : Ka Meghalaya Board of School Education (MBoSE) kala thung ia ka Academic Committee ba thymmai na ka bynta lai snem, ka sienjam kaba thmu ban pynkhlain ia ki plan ha ka pule dangle, ka jingkhmih bniah ia ki curriculum bad ki rai ba iadei bad ka jingpynlong ia ki eksam hapoh ka Jylla.
Kat kum ka jingpynbna ba la pynmih na MBoSE Headquarter ha Tura, Ia kane ka Committee la thung hapoh ka kyndon 21(1) jong ka Meghalaya Board of School Education (Amendment) Act, 2006 .
U Executive Chairman ka MBoSE un shakri kum u Chairman ka Academic Committee katba ki heh Ophisar na ka Tnad Pule Puthi-kynthup ki Director ka Higher & Technical Education, School Education & Literacy bad ka Educational Research & Training, kila shah kynthup kum ki Dkhot.
Ka Committee ka wanrah lang ruh ia ki stad pule puthi bad ki khlieh pyniaid jong ki jaka pule na kylleng ka Meghalaya kynthup ki nongmihkhmat na NEHU, NERIE, ki College Sorkar, ki jaka pule ki Nonghikai bad ki Higher Secondary School ha Tura, Shillong, Jowai, Dalu bad Nongpoh.
U Controller of Examinations, MBOSE Tura, ruh u dei uwei na ki dkhot katba u Chief Academic Officer ka MBOSE ula shah thung kum u Member Secretary.
Kat kum ka jingpynbna, kine ki dkhot bala jied kin bat ia ka kam na ka bynta laisnem naduh ba pynmih ia ka jingpynbna. Ka Board kala air uh ia katto katne ki bor bad jingtreikam jong ka Committee hapoh ka kyndon 23 (2)(XII) jong ka MBOSE Act, 1973, kum ka jingpynkhlain ia ka bynta jong ka ha ka jingshna policy bad wanrah ia ka school education standards ha baroh kawei ka Jylla.
 kala thung ia ka Academic Committee ba thymmai na ka bynta lai snem, ka sienjam kaba thmu ban pynkhlain ia ki plan ha ka pule dangle, ka jingkhmih bniah ia ki curriculum bad ki rai ba iadei bad ka jingpynlong ia ki eksam hapoh ka Jylla.){kind=link}