TURA,Lber 30: Kawei ka Longkmie kala khlad noh katba ka paralok jong ka pat kala mynsaw jur haba uwei u Hati khlaw ula thombor ia ki katba ki dang rep dang riang haka 27 tarik u Lber.
Kila don lain gut ki longkmie kiba kynthup iaka Chetmilla Marak 46 snem ka rta, ka Etmilla Marak 44 snem ka rta bad ka Merita Sangma kila leit ban rep ban riang ha kawei ka jaka rep kaba don ha Nabangdagre Kherapara hynrei kila iohi kynsan ia uwei u hati uba la wan ban tur beit beit sha ki.
Ka Merita Sangma kala ioh ban phet krad na katei ka jaka rep hynrei u hati ula beh thong ia ka Chetmilla bad ia ka Etmilla Marak bad ula ioh ban khyrwit da u Luta jongu ha kaba kitei baroh ar ngut kila mynsaw haka jaka rep.
Ka Merita kaba la mareh shapoh shnong, kala ioh ban pyntip ia ki nongshong shnong ban long kiba husiar bad ban pan jingiarap na ki.
Haba ki nongshong shnong kila poi ha ka jaka rep, u hati uba la dep ban pynmynsaw ia kitei ki ar ngut ki longkmie ula dep ban phet noh na katei ka jaka.
La pynkit noh ia kine ki longkmie kiba mynsaw sha hospital ban ioh ia ka jingsumar hynrei ka Chetmilla Marak kala khlad noh.
