Shillong, Nailar 07: Ka kynhun ki runar bala tap khmat, hynne ka sngi Nyngkong, kila leit thombor ia ka kompani ba shna iaka surok Nongstoin-Wahkaji bad wiang ding ia kawei ka dumper bad kawei ka transit mixer jong ka kompani.
Kane ka jingjia kala jia ha ka step phyrngap por 1:30 baje eiei ha ka jaka sah jong kane ka kompani kaba don ha ka shnong Mawthungkper.
Kat kum ka khubor Pulit, ki pulit kila ioh ia ka jingtip ba u Projecr Manager kane ka kompani, ba lai ngut ki briew bala tap khmat kila wan rung sha kane ka jaka jong ka kompani bad wiang ding beit beit ia kawei dumper trok bad kawei ka Transit Mixer.
Ki iathuh ba u nongniah jong kane ka trok uba thiah hapoh, ula kyndit na ka jingwan par ka jingkhluit na ki bynta ba shapoh jong ka trok bad haba ula khie, ula khynniat ia ka jingkhang jong ka kali ban pyllait im ialade bad kane ka jingkhang kala dei ia uwei na kine ki runar uba ieng shabar ka trok.
La ong ba kine ki runar mar kumta hi kila phet krad na kane ka jaka.
Ki Pulit kila register case halor kane ka jingjia bad ka jingtohkit mynta kala iaid shakhmat.
Pule ruh:Â 3 killed, 2 injured in tragic accident on Shillong-Dawki highway
