spot_img

Thoh ka Sorkar sha ka UGC ban ithuh noh ia ka Captain Williamson Sangma University

Date:

Share post:

Baroh ki College Sorkar bad ki Aided kin hap pyniasoh sha ka State University

Shillong, Jymmang 30 : U Commissioner & Secretary ka tnad Education Syed Md A Razi ha ka sngi Palei, ula pyntip ba ka Sorkar Jylla kala phah ia ka application sha ka University Grants Commission (UGC) ban ai jingithuh noh ia ka Captain Williamson Sangma State University.

“Kumba bthah da u Myntri Rangbah ka Jylla ia ka Tnad Pule Puthi ba kan pynsted ia ki kam ki jam bad ban pynlong ia ka Captain Williamson Sangma State University kaba treikam pura, halor kane ka bynta, ngi lah dep phah ia ka application sah ka UGC ban buh noh ia ka University ha ka thup ki University bala ithuh da ka UGC, ka ban shah ia ki ba kan ai ia ki syrnod degree” ong u Razi haba iakren bad ki nongthoh khubor.

“Nga kmen ban pyntip ba ngi la dep phah ia ka application bad u CM dalade ula buddien ia ka kam bad ki bor ba halor, UGC bad u Myntri ka Tnad Pule Puthi ka Sorkar Pdeng bad ngi kyrmen ban gin sa ioh noh ia ka jingpynbna shen” ula ong.

U Razi ula ong “Hadien ba ngi ioh iaka jingpynbna, ngin sa sdang ia ka kam ban pyniasoh ia ki college kiba iasoh mynta bad ka NEHU, ki lah ban wan iasoh noh sha ka State University. Ngi la shim ruh ia ki sienjam ban pynlong ia ka University kaba treikam pura haba phai sha ka jingthung ia u Vice Chancellor, haba dei bad ka kam thung nonghikai bad kiwei kiwei”.

Haba kylli, une u Heh Ophisar ula ong ba ia mynta tang ki college Sorkar bad ki college ba ioh jingiarap na ka Sorkar kin hap ban pyniasoh bad ka State University hadien ba kala treikam pura. Hynrei, ki college shimet kin hap ban jied hala ka mon halor kane ka kam namar “Ngim lah ban pynbor ia ki college shimet ban pyniasoh hynrei kan bha shibun lada ki samla pule kin don hapoh kajuh ka rukom pyniaid ha Meghalaya”.

U Razi ula ong ba u Myntri Rangbah ha ka jingialang bala pynlong halor kane ka kam, la rai ban shim ia artylli ki sienjam ba kynthup ia ka “kaba nyngkong ngin pan pyllait shuwa na ka CUET mynta u snem bad kaba ar namar ba ka dei ka kam ka ban sa wan jia biang ha u snem ban wan ban pynrung klas ia ki khynnah, kumta ula bthah ia ka Tnad Pule Puthi ban pynkloi ha kaban pynlong ia ka Captain Williamson Sangma State University kaba treikam pura”.

U ong ba dei halor ka jingkyrpad u CM, ka UGC kala mynjur ia ka jingtyrwa ban pyllait ia ki College ha Meghalaya na ka CUET.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img