Shillong, Risaw 07 : Ka All Meghalaya SSA (AMSSASTA) ha ka sngi Nyngkong ka la kyrpad ia u Myntri Rangbahduh ka ri u Narendra Modi ba un tuklar lang ha kaban lah pynkiew ïa ka tulop jong ki palat 13 hajar ngut ki nonghikai SSA.
“(Ngi) kyntu ïa phi ba phin sngewbha ban shimkhia kloi ha kaba ïadei bad ka jingpynkiew ïa ka tulop jong ki nonghikai SSA,” ong ka seng ha ka shithi sha u Modi.
“Haba pyrkhat ïa ka jinglut jingsep bad ka jingkiew dor bad hapdeng kum kane ka jingjynjar kaba shyrkhei jong ki nonghikai SSA ha ka jylla, ngi kyrpad ia ka jingtuklar lem jong phi ban iakren ia ki bor khmih ka pule puthi ha Meghalaya bad kin pynurlong noh mardor ia ki jingdawa jong ngi shuwa ba ka jinglong jingman kan nang sniew ia ki nonghikai SSA ha Meghalaya” kala bynrap.
Katkum ka jingong jong ka seng, ka jingpynkiew tulop kaba khatduh ka dei kaba la leh ha u snem 2016-17. Ka jingkiew tulop ka long naduh T.9200 haduh 19044 ia ki nonghikai LP bad T.9900 haduh T.20493 ia ki nonghikai UP.
Ka AMSSASTA kala pynlong ia ka jingiakhih da kaba shong kyllain mungor ba khlem buh por, kaba la jam mynta sha ka sngi kaba 7 ban dawa pynkiew tulop haduh 100 % na ka Sorkar.
 ha ka sngi Nyngkong ka la kyrpad ia u Myntri Rangbahduh ka ri u Narendra Modi ba un tuklar lang ha kaban lah pynkiew ïa ka tulop jong ki palat 13 hajar ngut ki nonghikai SSA.){kind=link}