Tura, Risaw 08 : U Myntri Rangbah ka Jylla Conrad K Sangma ula leit jngoh ia ka Longiing jong u Nonghikai Bijoy S Marak bad u Khun Wian Chigado R Marak, kiba iap shah rong um myn ha ka sngi Thohdieng.
U Myntri Rangbah ula aiti ia ka song jingiarap pisa ba T.8 lak sha ka Kurim jong une u Nonghikai kaba im mynta sa bad arngut ki Khun ha Rongkhon Songgital, Tura.
Kine ki Shikpa Shikhun kila shah rong ha ka umsaw na ka surok ba shlei um ha Dimapara katba ki dang wan phai na skul ban leit shala iing.
Ia ka met jong kine ki shikpa shikhun la ioh tam na kawei ka thlei kaba don marjan ka shnong Sonagre myn ha ka step sngi U Blei.
U Bijoy u dei u nonghikai bad u Khun u dei uba dang pule klas VI hapoh ka skul Seempara Upper Primary SSA School, kaba hap hapoh Gasuapara.
