Shillong, Jymmang 18 : Ka National People’s Party (NPP) kala kyntait ban pdiang ia ki jingkynthoh pyrshah ba dang shen jong u Nongialam bad MDC ka BJP Bernard N Marak halor ka jingioh jamin u MLA barim ka Phulbari Estamur Mominin haba iadei bad ka jingkulmar ba jia ha ri-lum Garo, haba pynpaw ba ka Sorkar kam don ‘bynta eiei” ha ka rai jong ka Iingkashari.
Ha ka kyrwoh ha ka sngi Nyngkong, u Nongaiktien ka NPP Garo Hills, Aldo A Sangma ula ong ba ka party ka sngew ia ka jingdonkam ban “buh ia ki katto katne ki jingshisha ha ka lynti kaba dei” hadien ki jingkynthoh u Bernard.
“Ha ka synshar paidbah kaba iaid da ki ain, ka rai jog ka Iingkashari la shim laitluid da ka Iingkashari kat kum ki nongrim ain bad ki jingshisha kiba don“ ong u Aldo.
“Ka Sorkar kam don bynta eiei ruh em ha kaban rai ia ka jingmih na ki jingbishar ki iingkashari, kynthup ka jingai bah jamin” ula bynrap.
Ka NPP ka la ban jur ba ki jingtohkit kat kum ka ain ki dang iaid shakhmat. “Ka jamin ka dei ka kyndon ain kaba lah ban ioh katkum ka ain bad kam dei ka jingpynlait ne weng noh ia ki jingkynoh”, ong ka kyrwoh.
“Ka jingtohkit hi ka dei kaba kam kaba dang bteng, bad ka rukom treikam jong ka Ain kan iaid hala ka jong ka lynti” la bynrap.
Haba khot ia ka jingkiar ban kynthoh kulmar na ki nongmihkhmat paidbah, ka NPP ka ong “Baroh ki nongmihkhmat paidbah bad nongialam sain pyrthei ki dei ban kiar bad don ia ka jingkitkhlieh haba kynthoh ia kino kino ki kam ain, khnang ban pynneh ia ka jingshaniah ki paidbah ha ki tnad synshar paidbah bad ban lait na kino kino ki jingsngewthuh bakla hapdeng ki paidbah”.
Ka kyrwoh kala kdew ruh ia ka roi ka par ka Meghalaya hapoh ka lynti ka “jingsuk bad ka jingskhem”.
 kala kyntait ban pdiang ia ki jingkynthoh pyrshah ba dang shen jong u Nongialam bad MDC ka BJP Bernard N Marak halor ka jingioh jamin u MLA barim ka Phulbari Estamur Mominin haba iadei bad ka jingkulmar ba jia ha ri-lum Garo, haba pynpaw ba ka Sorkar kam don ‘bynta eiei” ha ka rai jong ka Iingkashari.){kind=link}