Shillong, Jymmang 18 : Ka jingioh jamin ka Sonam Raghuvanshi, ka nongshah kynnoh ba hakhmat eh ha ka jingpyniap iala u kurim Raja Raghuvanshi, ka mih na ki jingbakla thok ha ki kyndon ain, ong u Superintendent of Police ka East Khasi Hills Bah Vivek Syiem ha ka sngi Nyngkong.
Hynrei ula pynpaw pat ba kaei kaba jia kan ym pyntlot pat ia ka jingtian mukotduma.
“Kane ka briew kala ioh jamin halor ka nongrim ba dei na ki jingbakla ha ki jingthoh, ka nombor jong ki kyndon la pynkylla na ka 103 sha ka 403” ong u Bah Vivek haba bynrap “Kam don sati aka kyndon 403 ha ka BNS”.
Ula kyntait ia ka jingshem jong ka Iingkashari ba ym shym la batai shai ia ki nongrim ka jingkem. “Kam dei satia ba ym shim la pynsngewthuhia ka nongrim ka jingkem” ula ong.
“Ha ka por ba leh ia ka transit rement, lah pynsngewthuh bha ia ka nongrim ka jingkem ia kane ka nonghah kynnoh. Ha ka por ba rah tian bishar ruh, la pynsngethuh bha ia ka nongrim ka jingkrem bad ka nongshah kynnoh ruh ka sngewthuh ba la kem ia ka halor ka kam pyniap briew”.
“Ka Iingkashari kala shim ia ka nongrim kaba iapher bad ai ia ka hukum ba ia ka nongrim ka jingkem ym shym la pynshai ban sngewthuh da ka nongshah kynnoh” ong u bah Vivek haba bynrap “Ngi la ujor pyrshah ia kane”.
U Bah Vivek ula ban jur ba ka jingtohkit kala dep bad ka jingbishar ka dang don ha ka lynti kaba dei.
“Kam mut sayia ba kan don kano kano ka jingiapher ha ka jingtian bishar bad ka chargesheet ruh ka don” ula ong.
“Ngi don ki sakhi kiba biang pyrshah ia ka nongshah kynnoh. Ka jamin kan ym pyntlot ia ka jingmih jong ka jingtian bishar”.
U ong ba ia ka Sonam Raghuvanshi la pyntip halor ki jingkynnoh pyniap briew ha ka por ba iaid ka jingpan tohkit ha Ghazipur bad Shillong.
“Lah rah ia ka hakhmat u Magistrate ha Ghazipur bad ngi la ioh ia ka transit remand nangtei halor ka kyndon ba pyniap briew” ong u Bah Vivek.
“Haba la ialam bishar biang ia ka hakhmat u Magistrate ruh, lah pynsngewthuh ia ka ba ka jingkynnoh ka dei halor ka jingpyniap briew” ula ong.
Ka jingbishar biang ia kane ka kam lah buh ban long ha ka sngi Ba-ar. “Kan sa don ka jingbishar biang lashai ka sngi, to ngin peit ia kaei kaba mih na ka” ula ong.
