-->

Thaw ka Sorkar ia ki Regional Committee ba lynshop u slap ha Jylla

Date:

Share post:

Shillong, Jylliew 16: Ka Sorkar Jylla kala thaw hynne ka sngi palei ia ki Regional Committee bala khlieh da ki Myntri Sorkar ba kin peit thuh ia ka jinglong jingman na ka jingther slap ha Jylla bad ruh ban shim iaki lad ki lynti ha kaban ai jingiarap ia ki paidbah.

Ia kine ki Committee la thaw da u Myntri Rangbah ka Jylla Conrad Kongkal Sangma hadien ka jingia lang bishar kam (review meeting) ba long hynne ka step bad ki Deputy Commissioner jongbaroh ki District ka Jylla nalor ki Tnad ba dei khmih ia kine ki kam.

Namar ka jingtwa khyndew ha kylleng ki jaka, ka jingdkut noh ki lad pyniasoh ha ki katto katne ki jaka kynthup ki surok Bah ba pyniasoh sha kiwei pat ki Jylla ba marjan, u Myntri Rangbah ula bthah ia ki Deputy Commissioner bad ki Tnad Sorkar ba kin leh eiei noh mardor khamtam halor ka jingpynpoi ia ki marbam mardih sha ki jaka ba shah ktah nalor ban shim ia ki sienjam ha ka ban pyn thikna ia ka jingiaid ki kali kit marbam.

Kine ki Regional Committee bala thaw ki kynthup ia ka Committee ba East Khasi Hills bad Ri-Bhoi ba la khlieh da u Symbud Myntri Rangbah ka Jylla Bah Prestone Tynsong kum u Chairman, ka Committee ka Jaiñtia Hills bala khlieh da Myntri kam Pohing ma Lahkmen Rymbui bad Myntri ka Tnad Disaster Management ma Kyrmen Shylla, ka Committee ka West Khasi, South West Khasi bad Eastern West Khasi bala khlieh da u Myntri ka PHE Bah Renikton L Tongkhar bad ka Committee ka Ri-Lum Garo bala khlieh da u Myntri James K Sangma.

U Myntri Rangbah ula kyntu ruh ia ki Chairman jong kine ki Committee ba kin leit jngoh ia ki jaka ba shah ktah bad ban pynlong ia ka jingialang bishar kam ha ki District.

U Myntri Rangbah ula bthah ruh ia ki DC bad ki Tnad ba kin peit thuh ia ka jinglong jingman ha kine ki 72 kynta ban wan bad ban iatreilang khnang ba ki paid nongshongshnong kin nym mad ia ki jingeh bad ruh ba kin don hapdeng ka jingshngaiñ.

 

Share post:

-->
spot_img

Popular

More like this
Related

Slem ka KHADC ban ioh pdiang ia ka 2nd installment ka Tied bad Untied Grant

Shillong, Risaw 23 : Ka Khasi Hills Autonomous District...

Chargesheet ki Pulit pyrshah ia u nongleh beijot bad pyniap ia ka Khynnah 13 snem

Shillong, Risaw 23: Ki Pulit ka Ri-Bhoi kila file...

Kyntu u Bah Titos ia ka EC ka VPP ban sangeh noh ia ka jingkynthoh shimet

Shillong, Risaw 23: U Nongialam ka Liang Pyrshah ha...

Migrant workers get labour licenses before entering Meghalaya, says KHADC chief

Shillong , Oct 23: KHADC chief Winston Tony Lyngdoh...