Guwahati, Naitung 20: U Nongjngi ba pawnam ka Assam Elvis Ali Hazarika ula thaw histori mynta da kaba long u nongjngi ba nyngkong eh napoh ka thain Shatei Lam Mihngi ban jam na shiliang sha shiliang jong ka English Channel bad leit bad wan.
U Hazarika ula jngi ha ka jingjngai ba 78 kilometer da kaba sdang na Samphire Englang sha Calais, France bad wan phai biang sha ka jaka kaba sdang ha kaba ula pyndep hapoh ka 32 kynta.
Une u Nongjngi ula mad ia shibun ki jingtynjuh ha kane ka jingpyrshang jong u ban jngi ia ka English Channel bad ula iakynduh ruh ia bun ki jingeh na ka jingiatakhuh bad ki dohkha jellyfish, dolphin, seal bad ka jinglong mluh ka um.
U Hazarika bad ka kynhun kila mad ruh ia ka suinbneng kaba thut bad ka bor jong ka um ha kane ka jingjngi.
Ym tang ka English Channel, u Hazarkia ula pyndep ruh ia ka jingjngi ha kiwei ki channel kynthup ka North Channel.
