Shillong, Naitung 03 : Ka Iingkashari Meghalaya High Court ha ka sngi Nyngkong, kala thalain tyngeh ia ka Harijan Panchayat Committee (HPC) ba leh shalak bad bym hok (playing fast and losse) bad ka Sorkar Jylla lem bad ia ka Iingkashari.
“Ka paw kumba ka nongiakhun mukotduma ka ialehkai shalak bad bym hok bad ka Sorkar lem bad ka Iingkashari” ong ka Iingkashari Division Bench bala khlieh da u Chief Justice Sanjib Banerjee bad Justice W Diengdoh haba shong bishar ia ka mukotduma hynne ka sngi Nyngkong.
Kat kum ka hukum ka Iingkashari kala ong “ La pynpaw thok ha ka sien shong bishar ba khatduh ba ia kane ka kam kaba rit ka dei beit ia kaban hap shongbishar hynrei hadien pat la ai jingkynthoh pynban ba ka Iingkashari kala bakla pynman ia ki jingbatai”.
Ha kane ka hukum, ka Iingkashari kala pynpaw ia ka jingkyrmen ba ka Sorkar Jylla ba kan “shim mardor ia ki sienjam ba iahap bad ka kam” bad ban pynkloi noh ha kaban pynkut ia kane ka kam kham kloi kat kaba lah.
Ka Iingkashari kala ong ba ia kane ka kam yn sa wanrah biang sha ka jingbishar hadien artaiew na ka bynta ka Sorkar ba kan ai ia ka kaiphod halor ka jingiaid ki kam ki jam.
Ka Iingkashari kala buh ban bishar biang ia kane ka kam ha ka 18 tarik u Naitung.
Pule ruh: Pynbna u CM ban aiti noh ia ka ‘Yess Meghalaya” sha ka Tnad Sports & Youth Affairs
 ba leh shalak bad bym hok (playing fast and losse) bad ka Sorkar Jylla lem bad ia ka Iingkashari.){kind=link}